اساسيات التسجيل المحاسبي والقوائم المالية للحياة المهنية

حاسس ان الفرق بين اللي درسته في كلية تجارة حاجة و الشغل كمحاسب حاجة تانية خالص؟

الدنيا تايه منك ومش فاكر المدين و الدائن و لا عارف تبدأ منين ؟

ماسك حسابات جديد و مش عارف تعمل ايه ولا ترتيب اولوياتك في الشغل ؟

تعالي مع بعض نتعلم شوية مهارات و معلومات تخليك:

1-  تربط اللي اتعلمناه في الكلية بالواقع العملي لان العلم اساس كل شئ واللي في الكلية هو اللي في الواقع العملي ولكن بشكل مختلف وكل نشاط وليه طبيعته و مستنداته

2- تعرف دور المحاسب الحقيقي (تخفيض مصروف / تعظيم ايراد / تخفيض سرقات و فاقد و هالك)

3- لما تشوف ورق بيترمي عليك من كذا قسم ، اعمل بيه ايه؟ احدد ده مصروف ولا ايراد و اصول ولا التزامات ؟

4- تعرف التطبيق العملي للمبادئ و الفروض والاسس المحاسبية مش كلام كتب وتعريفات

5- تدرب على تأثير كل معاملة يومية بتحصل على راس المال وتقدر تنصح صاحب النشاط بالنصيحة السليمة في الوقت السليم

6- تعرف يعني ايه يومية امريكية و تعرف تعمل قيود (هنتدرب على 50 قيد)

7- تعرف يعني ايه ميزان مراجعة و اهميته ومعني كل رقم فيه

8- تعرف يعني ايه قوائم مالية ( مركز مالي - دخل - تدفقات نقدية)

9- تعرف شوية تقارير تخليك مميز عند صاحب العمل وفارق عن اي حد تاني (مبيعات - مصروفات -  تحليل افقي - تحليل رأسي)

مرفق مع التدريب:

1-  ملف اكسيل (يومية امريكية + ميزان مراجعة + مركز مالي + قائمة دخل)

2- امتحان لاستكمال التدريب العملي على التسجيل المحاسبي

3- ملف اكسيل لقائمة التدفقات النقدية

في انتظارك لتطوير ادائك

محاسب / اكرم ممدوح