1. طالما قررت تطلب المساعدة وسعيت ليها إنت شجاع جدا.

2. من حقك تسأل عن مؤهلات الطبيب او المعالج وتراجع معاه سير العلاج كل فترة في حدود للعلاقة العلاجية لازم يلتزم بيها المعالج اعرفها كويس

المعالج والطبيب مبيوصفلكش قرارات في حياتك هو بيساعدك تعرف انت عاوز أيه

العلاج رحلة تستاهل تعبها حقيقي طالما مع الدكتور الداعم الملتزم بمعايير المهنه

أي دكتور تحسه حاكم عليك وبيوعظك ويأنبك سيبه وامشي ده مش علاج دي عقده عادي

3. اسمح لغيرك يقدم لك المساعدة دي، لإن زيارة المعالج حاجة والسماح ليه بالدخول ليك ومساعدتك حاجة تانية

هامش: بيكون صعب الإحساس بإن حدا تاني بيبدأ يشوفك بشكل شفاف أكتر من باقي الناس، لا بأس في دا، تأكد من أمانته وراحتك ليه، وقتها هتحس إن الحمل بيخف وانت مش منزعج من ظهورك قدامه بالعكس مطمئن.

4. مش مرتاح بعد جلسة واتنين وتلاتة شوف معالج تاني، ودا مش بالضرورة معناه إن المعالج دا غير صالح لغيرك، هو ممكن يكون مش مناسب ليك وتفاصيل شخصيتك بس.

5. خليك صريح مع نفسك ومع الطبيب بتاعك. صراحتك مع طبيبك شئ مهم وبيساعده أنه يقدر يساعدك اكتر

6. المعالج مش هيقدر يساعدك لو ما سمحتش ليه .

7. المشوار طويل وممكن يظهر فيه مشاعر كتير سخيفة زي أي مشوار طويل، طول بالك وخلي معاك في الرحلة اللي يشجعك ويسليك.

8. سيب للطريق يعملك أكتر من اللي جاي عشانه.

9. وجودك على طريق التعافي دا دليل إنك كويس وبتحاول

الوصول مش الغاية الوحيدة وكل أمنياتي بالتعافي والأمان لك

10. طلب المساعدة مش خطوة هيّنة أبدا ولا سهلة، ولكنها حقك، ومهما كانت الطرق مسدودة هتلاقي خبايا برضو بتتمد منها أيادي للمساعدة، إنت بس حاول

11. الدواء مهم في كتير من الحالات وبيساعد جدا جدا متخافش منه

12. لو مش قادر تحكي حاجة مثلا: اكتبها في نوت وخلي الطبيب يقراها في الجلسة وبعد كدة هتقدر تحكي كل حاجة