لغة المشاعر من أكتر الحاجات الي وعينا بيها ممكن يفرق في فهمنا ذواتنا وأحتياجتنا العميقة.
للأسف مش كلنا بيتوفرلنا بيئة داعمة وبتسمح لينا نعبر عن مشاعرنا من الصغر وبالتالي مش بنفهمها ومش بنتعلم لغاتها ولا طرق التعامل معاها واللي بنقدر عليه إننا نكبتها ونتجاهلها.
لأن المشاعر جزء أصيل مننا هي مش بتروح في أي حته بتفضل متخزنة جوانا لحد ما تنفجر في شكل سلوكيات واختيارات مؤذية أو في شكل أعراض سيكوسوماتيك (نفسية جسدية).
أي حد بيجتهد يغير من نفسه يحتاج يتعلم لغة المشاعر
ودا بيبدأ بأنك تسمع جسمك وتتواصل معاه وتسمي الشعور الي مسيطر عليك وتحاول تعرف الرسالة الي الشعور جايلك بيها
فلو المشاعر بتتكلم ممكن تقولك!
- الحزن .. أسمح لنفسك تبكي.
- الوحدة.. أسمح لنفسك تتواصل.
- الخزي.. أسمح لنفسك بالتعاطف مع ذاتك.
- الغيظ.. أسمح لنفسك بممارسة الغفران.
- الخواء..أسمح لنفسك بأبداع شئ.
- الغضب..أسمح لنفسك بمراجعة حدودك.
- القلق.. أسمح لنفسك بالتنفس.
- الضغط .. أسمح لنفسك بأخذ خطوة واحدة في الوقت الحالي
ياريت تشاركوني مشاعركم ايه فى الفترة الحالية ؟