كيف تقوم بإعداد موازنة تخطيطية لعام مالي قادم لنشاط
١- موازنة مبيعات:
o حضرتك بتعمل حصر لكل مصادر ايراداتك من إدارة المبيعات بتاعتك
o ( بضاعة، خدمات، اخري) و تقدر السوق عايز كام من سلعتك؟
o بتحدد كمية ثم تحدد سعر البيع لكل بند علي حدي
o بنراعي فئات العملاء اللي مستهدفنها و نعمل خطة كاملة للمنتجات و الخدمات لكل فئة من العملاء بالكمية و القيمة
o مبيعات مستهدفة حسب احتياج السوق * سعر متوقع
٢-موازنة كمية الشراء أو الإنتاج:
o بتدور على تكاليف الإيرادات دي سواء كان تصنيع أو شراء أو تكاليف عمليات من الإدارة الفنية عندك
o و تحدد كمية الشراء اللي انت محتاجها مع مراعاة رصيد المخزن اللي عندك حاليا و عايز تقفل السنة الجاية بمخزون قد ايه
o كمية المبيعات حسب احتياج السوق + مخزون اخر المدة – مخزون اول المدة
٣- موازنة تكلفة الإنتاج:
o بعد ما عرفت كمية المشتريات ( بضاعة ، خامات تصنيع) هتحدد قيمتها طبقا لآخر سعر شراء مع إضافة شوية تضخم متوقع و تشوف كمية الشراء هتحتاج منك قد ايه
o (كمية الشراء المتوقعة * سعر متوقع)
o بالإضافة لحصر الوقود والكهرباء و المياه وقطع الغيار و المهمات و مواد التعبأة والتغليف بمعرفة الفنيين برضو و معدل استهلاك الوحدة بتاع منتجك من الخامات دي بمعرفة الفنيين أو الصنايعية
o متوسط استهلاكات الأعوام السابقة * تكلفة الحصول عليها المتوقعة العام القادم)
4- موازنة الأجور:
o بتدور على تكلفة الأجور من قسم المرتبات أو الاستحقاقات أو hr اي كان اسمه عندك و تشوف كمية الإنتاج محتاجة كام عامل عشان تعرف تبيع البضاعة أو تصنع المنتج بالخامات اللي اشترتها و سعر الساعة أو المرتب الشهري للعمالة الماهرة و العمالة العادية و المبيعات و الاداريين
o وتتطلع بإجمالي الأجور المتوقعة
o (عدد العمالة القديمة + عدد عمالة جديد) * تكلفة الساعة للعامل او التكلفة الثابتة للعمالة
5- موازنة المصروفات التسويقية والادارية:
o بتدور على أي مصاريف تسويق وصيانة وتليفون ونت أو انتقالات ونقل بضاعة وعلاقات عامة
o (طبقا لمتوسط قيمة الأعوام السابقة + توقع التضخم)
o وإيجارات وتدريب ومكافآت خارجية لغير العاملين من السنوات السابقة من الحسابات أو المالية اي كان اسمها عندك
o (طبقا لمتوسط قيمة الأعوام السابقة + توقع التضخم)
6- موازنة رأس المال:
o بعد كدة بترجع لرئيس الشركة عندك وتقوله ناوي تعمل اي توسعات في خطوط الإنتاج لو تصنيع (دراسة جدوي سعرية)
o أو مخازن أو مباني أو شراء عربيات ركوب أو نقل أو معدات أو ورش صيانة أو أثاث أو حاسب آلي أو أي أصول غير متداولة و تعمل بيها حصر و تقييمها حسب آخر سعر في السوق (مقايسة مسعرة)
o و تتوقع مصدر تمويل ليها زي زيادة رأس مال من المالك أو قرض
o ما تنساش بقى تحسب اهلاك الأصول القديمة من المالية و كمان تحسب اهلاك الأصول الجديدة اللي هيبلغك بيها صاحب الشركة أو الفنيين
7- موازنة النقدية:
• المقبوضات :
- بغض النظر عن مبيعاتك المتوقعة اكيد نظرا لطبيعة السوق الحالي مش هتحصل كل المبيع فبتخطط نسبة من المبيعات كحصيلة نقدية واردة (طبقا لقدرتك علي التحصيل في السنوات السابقة)
• المدفوعات:
- بالنسبة للمشتريات و المصروفات و الالتزامات اللي عليك للضرائب او القروض برضو بتعمل خطة لسدادها بناء علي قيمة تحصيلات المتوقعة بس في أولوية للسداد و هي:
الأجور
الخامات (المشتريات الأساسية)
الضرائب واقساط القروض
الصيانة
باقي المصروفات
9- التقفيل و العرض:
o كدة بقي معاك داتا كاملة تعرف تعمل بيها ميزان مراجعة
o وقوائم مالية كاملة
o طبعا ما ننساش السياسات المحاسبية المطبقة و الإيضاحات المتممة
o ما ننساش ان الموازنة دي هي التارجت بتاعنا عشان نفضل مستمرين بنجاح العام القادم ومحافظين علي حصتنا السوقية و نزود قاعدة العملاء
o ما ينفعش نضحك علي نفسنا واحنا بنتوقع الموازنة سواء نتوقع اقل عشان نعرف نحقق التارجت او نزود عشان ندي انطباع وهمي للاونر او الملاك ان الدنيا
o أي زيادة عن التارجت او عدم تحقيق للتارجت يبقي في خطأ في الإدارة ويجب بحثه
o (((مفيش موازنة للشركة يبقي مفيش شركة العام القادم)))
#فيتامينات_محاسبية_مع_اكرم_ممدوح
#الفريق_الأول_لتطوير_الأعمال_بمطروح
معلومات قيمة
مقال جميل
👍💐
💐👍
بالتوفيق دائما