مهام محاسب العملاء:
- عميل يعني شخص تم بيعه بالاجل
- البيع بالاجل يعني فلوس ليا برة وعشان تتحقق المنفعة و استفيد كصاحب نشاط قررت اعين حد مخصوص لمتابعة العملاء بتوعي عشان احصل فلوسي اللي صرفت عليها وكلفتها من جيبي من فترة مش اقل من 45 يوم
- دلوقتي البضاعة او الخدمة العميل بيستمتع بيها وانا كمان نفسي استمتع كصاحب نشاط بمقابل البضاعة او الخدمة
- معني كدة انك من اهم الناس في الإدارة المالية عشان انت كمحاسب عملاء اللي هتعنشني وتجيبلي سيولة اشغل بيها نشاطي
- حضرتك هنا لازم تتمتع بمهارات التعامل مع العميل البلط، الي بيأجل و معندوش الكاش الحاضر عشان يدفع فبتكون:
o مرتب
o و منظم شيتاتك و بياناتك (قاعدة بيانات حربية لدرجة انك عامل عليه فيش وتشبيه
o عشان تداوم علي تحصيل الاجل اللي فتحتوه
- نظرا لاختلاف طبيعة و حجم كل عميل حضرتك هتقسم العملاء بتوعك فئات:
o قطاعي
o جملة
o حكومي
o تعاقدات أسبوعية
o فنادق
o خدمي
o كبار عملاء
o صغار عملاء
o و تحدد لكل نوع عملاء نسبة خصم أو ميعاد للتحصيل أو طريقة تحصيل
- لازم تذاكر معيار 48 (مصري) الايراد من العقود مع العملاء عشان تفهم انت بدايك ايه و نهايتك ايه مع العميل
- شغلك يبدأ بعد ما المندوب او الفرع يقوم بتسليم البضاعة للعميل و يكتب فاتورة أجل سواء يدوي أو بالهاند هيلد و المندوب او الفرع يسلم يوميته
- تاخد انت الحتة الاجل من الفواتير و تفتح صفحة (اكسيل) لكل عميل عشان تسجل فيها بيانات العميل بالكامل في شيت قاعدة بيانات العملاء :
o اسم العميل
o نوع التعامل
o نسبة الضريبة
o معفي ام خاضع
o تليفون، واتس ، ايميل
o المسئول
o رقم الحساب البنكي، فودافون كاش
o المنطقة، المحافظة ، العنوان
o الضامن وبيناته بالكامل
o اسم المندوب
- و تسجل تفاصيل الفاتورة في صفحة العميل:
o اسم الصنف
o الكمية بالوحدة الأساسية، الكمية بالوحدة الفرعية
o سعر الوحدة الاساسية، سعر الوحدة الفرعية
o ربحية التعامل
o المسدد
o الباقي
o ميعاد الدفعات
o ملاحظات
- و تعمل شيت اكسيل مجمع لارصدة العملاء مقسم حسب النوع و لكل نوع ارصدة العملاء بتوعه لانك هتطابق مع اليومية الامريكية شهري او مع السيستم
- هتعمل معادلة اكسيل تنسيق شرطي عشان عشان تنبهك بمواعيد التحصيل
- لازم تكون مجهز خطط لإيقاف التعامل أو مد مدة التحصيل أو أساليب سداد متنوعة:
o تحويل بنكي
o بريدي
o فودافون كاش
o و اكتر من بديل عشان العميل ما يهربش منك بحجج تقصير منك
- يا ريت تكون موضح في فاتورة الاجل نسبة غرامة التأخير عشان يبقي عقد بينكم و علي بينة من اول التعامل
- في ظروف عام ٢٠٢٢ اكبر أجل ١٥ يوم و بعدها غرامة تأخير أو إيقاف تعامل و إخطار المحامي بعدم الالتزام بالسداد لاتخاذ الإجراءات القانونية ، هيجيلك في ثانية
- لازم تبقي مجهز تقرير عرض علي صاحب النشاط دائما:
o اكبر مديونية عند مين
o اخر سداد امتي لكل عميل
o العميل الاكثر انتظاما في السداد و اقتراح بخصم لا يتعدي ٧٪ و علي مراحل ( خصم مسموح به)
o تقرير مدة الديون
o تقرير اعلي المنتجات او البنود الآجلة مبيعا
o بالتنسيق مع بتاع الحسابات أو التكاليف ، أكثر العملاء الاجل ربحية و اقلهم ربحية
- بالتنسيق مع بتاع الحسابات أو التكاليف لازم نسبة ربحية الاجل تكون اعلي من النقدي لأن دي فلوس مركونة
بالتوفيق
#فيتامينات_محاسبية_مع_اكرم_ممدوح
#الفريق_الأول_لتطوير_الأعمال_بمطروح
التعليقات (3)
محمود صبحي الحلاق
مستخدم
21/04/2023 | 12:55 am
شكرا على المعلومات
اكرم ممدوح محمد
مستخدم
21/04/2023 | 06:10 am
تحت امرك في اي وقت
زكريا عمورة
مستخدم
22/04/2023 | 10:10 pm
بالتوفيق دائما
التصنيفات
المدونات الاخيرة
أبرز 7 هياكل تنظيمية ...
8/05/2023
النمذجة المالية (Financial ...
29/04/2023
معلومات قيمة
اشكرك علي دعمك المستمر