مهام محاسب الموردين
- مبدئيا كدة انت مسئول مسئولية كاملة عن كل ما يخص المورد :
(بحث – تواصل – تحديث – تعامل – سداد – تعاملات ضريبية – حل نزاع – تسهيل إجراءات)
- وكدة الموضوع مقسوم لمرحلتين:
1- استلام القديم
2- متابعة الحالي والتطوير
- هتسأل على الحاجات دي ولو مش موجودة ((((انت اللي هتنشأها))))
- فين قاعدة بيانات الموردين
o اسم
o عنوان
o ايميل تليفون واتس
o سجل تجاري
o بطاقة ضريبية
o فاكس المسئول هناك
o شكل الشركة القانوني وهكذا
o سابقة اعمال لكل مورد
- فين ملف كل مورد ومحتواه:
o طلب شراء لكل عملية
o فواتير الشراء لكل عملية
o اذون الاضافة لكل عملية
o مرتجعات لكل عملية
o ايصالات السداد و اوامر التحويل البنكية لكل عملية
o بيان الاستقطاعات و تفاصيل الضرائب لكل عملية
o اي رسايل واتس مطبوعة
o فين اكسيل السنوات السابقة و لو سيستم هيبقي اريحلك بصراحة ، مفيش سيستم هيبقي اكسيل
o كل مورد ليه شيت بتفاصيل الفواتير بالاصناف او الخدمات والسداد و المرتجعات او الخصومات
- على التوازي لحد ما تلاقي كل اللي فات ده ، لازم انت نفسك تجهز الحاجات دي للوضع الحالي
- تسجيل كافة المعاملات المحاسبية من القيود اليومية :
o شراء بتفاصيل الأصناف
o مرتجع مشتريات بتفاصيل الأصناف
o السداد
o الخصم المكتسب
o اي تسويات إضافة او خصم
في شيت الاكسيل التفصيلي في صفحة المورد ويكون في صفحة مجمعة عشان هتطابق شهري مع بتاع اليومية الامريكية او الأستاذ المساعد او حتى السيستم
- بالنسبة للضرائب اي توريدات فوق 300ج هتخصم عليها 1% ضريبة ارباح تجارية و صناعية و اي خدمات فوق 300ج هتخصم عليها 3%
- انت رقيب واداة مساعدة للرقابة علي كل من:
o مسئول المشتريات لانك بتاخد منه الكميات المطلوبة والاسعار المقترحة بالسوق وافضل سعر
o وتقارنها بفاتورة الشراء الواردة من المورد
o و تقارنها باذن الإضافة اللي معمول في المخازن
o واي تضارب في الكميات او الأسعار هيكشف تلاعب فورا
- المفروض لما تتودك شوية تبدأ تطلع تقارير خاصة لمديرك او صاحب الشركة حسب الهيكل عندك:
o افضل مورد في الصنف او الخدمة
o اقل سعر شراء للصنف أو الخدمة
o اقل مصاريف نقل للصنف او الخدمة
o اعلي شراء من المورد
o اسوأ مورد
o افضل خصومات
o كل اسبوع موقف برصيد الموردين لجدولة السداد
بالتوفيق
#فيتامينات_محاسبية_مع_اكرم_ممدوح
جهودك مشكورة ، ولكن لو تم تنسيق المحتوى بكون أفضل
اشكرك جدا يا دكتور، تم التنسيق
جهود مباركه
👍💐
.